A Journey

 A Journey

 Lyrics - Danish Aligarhi     (1)

                Javed Akhtar          (2)

                Sudarshan Faakir (3) 

                Muzaffar Warsi       (4)

               Josh Malihabadi     (5)

1.   tuJhse milne ki saza denge tere shehar ke log
     ye wafaoN ka sila denge tere shehar ke log

     kya khabar thee tere milne pe qayamat hogi
     muJhko deewaana bana denge tere shehar ke log

     teri nazaroN se giraane ke liye jaane-haya
     muJhko mujrim bhi bana denge tere shehar ke log

     kehke deewana muJhe maar rahe haiN patthar
     aur kya iske siwa denge tere shehar ke log

2.  pyar mujh se jo kiyaa tumne to kya paaogi
    mere haalaat ki aandhi mein bikhar jaaogi

    ranj aur dard ki basthi ka main baashinda hoon
    ye to bas main hoon ke is haal mein bhi zinda hoon
 

    khwaab kyoon dekhoon wo kal jispe main sahrminda hoon
    mainjo sharminda hoon to aur tum bhi sharmaaogi

    kyoon mere saath koi aur pareshaan rahe
    meri duniya hai jo weeraan to weeraan rahe
 

    zindagi ka ye safar tum pe to aasaan rahe
    humsafar mujhko banaaogi to pachtaaogi

    ek main kya abhi aayenge diwaane kitne
    abhi goonjenge mohabbat ke taraane kitne
 

    zindagi tumko sunaaegi fasaane kitne
    kyoon samajhti ho mujhe bhool nahi paaogi

3. Patthar ke Khudaa patthar ke sanam 
    patthar ke hii insaaN paaye haiN
    tum shahar-e-mohabbat kahate ho 
    ham jaan bachchaakar aaye haiN

    but-Khaanaa samajhate ho jisako 
    puuchcho na vahaaN kyaa haalat hai
    ham log vahiiN se lauTe haiN 
    bas shukr karo lauT aaye haiN

    ham soch rahe haiN muddat se 
    ab umr guzaareN bhii to kahaaN
    seharaa meN Khushii ke phuul nahiiN 
   shaharoN meN Gamon ke saaye haiN

   hoToN pe tabassum halqaa saa 
   aa.NkhoN meN namii sii hai 'Faaqir'
   ham ahl-e-mohabbat par aksar 
   aise bhii zamaane aaye haiN 

4. merii zindagii kisii aur kii, mere naam kaa koii aur hai
   mera aks hai sareaaiinaa, pase aaiinaa koii aur hai

   merii dhaDakanon men hai chaap sii, ye judaaii bhii hai milaap sii
   mujhe kyaa pataa, mere dil bataa, mere saath kyaa koii aur hai

   na gaye dinon ko Khabar merii, na shariikehaal nazar terii
   tere des men, mere bhes men, koii aur thaa koii aur hai

   vo merii taraf nigaraaN rahe, meraa dhyaan jaane kahaaN rahe
   merii aaNkh men kaii suuraten, mujhe chaahataa koii aur hai

5. kis ko aati hai masihaayee kise aawaaz dooN
    bol ae’ khooNkhaar tanhaayee kise aawaaz dooN

   chup rahooN to har nafaS Dasta hai naaGaN ki taraH
   aaH bharNe meiN hai ruswaayee kise awaaz dooN

  

   oof khamoshi ki ye aaheN dil ko barmaati huyee
   oof ye sannaaTe ki shehnaayee kise awaaz dooN

6. kal chaudhwee ki raat thi shabbhar raha charcha tera

    kuch ne kha ye chand hai kuch ne kha chehra tera

7.

From: http://lyricstranslate.com

Rishton Mein Daraar Aayee

Rishton mein daraar aayee

Lyrics : Naqsh Lyallpuri      (1)

             Zahid                (2)

             wajida Tabassum      (3)

             Nida Fazli           (4)

             Bekhud Dehlvi        (5)

             Rana sahri           (6)

             Bashir Badr          (7)

             Kaif Bhopali         (8)

Music  : Jagjit Singh

Voices : Jagjit Singh

1.   rishtoN mein darar aaye

     bete na rahe bete

     bhai na rahe bhai

     rishtoN mein darar aaye

                                       

     parkha hai lahu apna, bharata hai zamane ko

     tufano mein koi bhi, aaya na bachane ko

     sahil pe nazar aayee

     kitane hi tamasai

                                     

     DhoonDane se nahi milta, raahat ka jahan koi

     TooTe huwe damo ko, le jaye kahaN koi

     har moD pe hoti hai

     ehsaas ki rusvaai

                                     

     zakhmoN se khili kaliyaN, ashkoN se khili shabnam

     patthar ke daricHe se, aaya hai naya mausam

     raaton ki siyali se

     li subho ne angadai

2.   fir se mausam baharoN ka aane ko hai

     fir se rangiN zamana badal jaayega

     abki bazme charaagoN saja lenge hum

     ye bhi armaan dil ka nikal jaayega

     aap karde jo muJhko nigaahe karam

     meri ulfat ka reh jaayega kuch bharam

     yuN fasana to mera rahega yahi

     sirF unwaan uska badal jaayega

     fiki fiki see kyoon shaam-e-maikhanaa hai

     lutf saaqi bhi kam khaali paimaana hai

     apnee nazroN se hee kuch pila de jiye

     rang mehfil ka khud hee badal jaayega

     mere miTne ka unkO zara gam nahiN

     julF bhi unki ae dosth war ham nahiN

     apne hone na hone se hotha hai kya

     kaam duniya ka yun hee to chal jaayega

     aapne dil jo 'zaahid' ka toDa to kya

     aapne uski duniya ko choDa to kya

     aap itne to aakHir pareshaaN na hoN

     wo sambhalte sambhalte sambhal jaayega

3.   kuchh na kuchh to zaroor hona hai

     saamna aaj unsay hona hai

     todo fainko rakho karo kuch bhi

     dil hamara hai kya khilona hai

     zindagi aur maut ka matlab

     tumko paana hai tumko khona hai

     ttna darna bhi kya hai duniya say

     jo bhi hona hai woh to hona hai

     uth kay mehfil say mat chalay jaana

     tumsay roshan yeh kona kona hai

4.   kabhi kabhi yun bhi humne apne jee ko behlaaya hai

     jin baatoN ko khud nahiN samjhe auroN ko samjhaaya hai

     humse poochO izzatwaaloN kee izzat ka haal yahaN

     humne bhi is shehar meiN rehkar thoDa naam kamaya hai

     us'se bichchDe barsoN beete lekin aaj na jaane kyoon

     aangan meiN haste bachchoN ko bekaaroN dhamkaaya hai

     koi mila tho haath milaaya kahiN gaye to baate kee

     ghar se baahar jab bhi nikle din bhar boJh uThaya hai

5.   dard-e-dil meiN kamee na ho jaaye

     dosthi dushmani na ho jaaye

     tum meri dosthi ka dam na bharo

     aasmaaN muddayee na ho jaaye

     baiThata hoon hamesha rindoN meiN

     kahiN zaahid wali na ho jaaye

     apne khooye wafa se Darta hoon

     aashiqi bandagi na ho jaaye

6.   koi dosth hai na raqeeb hai

     tera sehar kitnaa ajeeb hai

     wo jo ishq thaa wo junoon thaa

     ye jo hiZr hai ye naseeb hai

     yahaN kiska chehra paDha karooN

     yahaN kaun itnaa kareeb hai

     maiN kise kahooN mere saath chal

     yahan sab ke sar pe saleeb hai

7.   sar jhUkaaoge to patthar dewta ho jaayega

     itna math chaaho use' wo bewafa ho jaayega

     hum bhi dariya haiN hameN apnaa hunar maaloom hai

     jis taraF bhi chal paDenge raasta ho jaayega

     maiN khuda ka naam lekar pee raha hoon dostoN

     zehar bhi isme agar hoga dawa ho jaayega

     ruTh jaana to mohabbat ki alamat hai magar

     kya khabar thee muJhse wo itna khafa ho jaayega

8.   kaun aayega yahan koi na aaya hoga

     mera darwaaza hawaaoN ne hilaaya hoga

     dil-e-naadaaN na dhaDak ae dil-e-naadaaN na dhaDak

     koi khat leke paDosi ke ghar aaya hoga

     gul se lipTi huyee titli ko girakar dekho

     aandhiyoN tumne daraftoN ko giraaya hoga

     'kaif' pardesh meiN math yaad karo apna makaaN

     abke baarish ne use toD giraaya hoga

Live in Concert at Wembley

Live in Concert at Wembley

Lyrics : Ibn-e-Insha          (1)

             Andleeb Shadani      (2)

             Chaman lal Chaman    (3)

             Khamosh Dehlavi      (4)

             Iftikar Iman Siddiqi (5)

             Traditional          (6)

Music  : Jagjit Singh

Voices : Jagjit Singh, Chitra Singh

1.   andaaz apnay dekhtay haiN aainey meiN woh

     aur yeh bhi dekhte haiN koi dekhta na ho

     kal chaudhveeN ki raat thee shab bhar rahaa charcha tera

     kuch ne kaha yeh chaand hai kuch ne kaha chehra tera

     hum bhi waheeN maujood they hum se bhi sab poocha kiye

     hum haNs diye hum chup rahe manzoor tha parda tera

     is shehar mein kis se mileN hum say to chooti mehfileN

     har shakhs tera naam le har shakhs deewana tera

     kooche ko tere choDkar jogi hee ban jaayeN magar

     jungle teri parbat teri basti teri sehra tera

     bedard sonani ho to chal kehta hia kya achchi ghazal

     aashiq tera ruswa tera shaayar tera 'insha' tera

2.   der lagi aane mein tumko shukR hai fir bhi aaye to

     aas ne dil ka saath na choDaa waise hum ghabraaye to

     shafak dhanuk mehtaab ghaTaayeN taare naghmeN biJli phool

     us daaman meiN kya kya kuch hai wo daaman haath meiN aaye to

     jhooTh hai sab taarikh hamesha apne ko dohraati hai

     achcha mera khwaab-e-jawaani thoDa sa dohraaye to

     suni sunaayi baath nahin hai apne oopar beethi hai

     phool nikalte haiN sholoN se chaahat aag lagaaye to

3.   Saun da maheena yaaro (Punjabi)

4.   umR jalvoN meiN basar ho ye zaroori to nahin

     har sab-e-gham ki sehar ho ye zaroori to nahin

     chasm-e-saaqi se piyo yaa lab-e-saagar se piyo

     bekhooodi aaThoN pehar ho ye zaroori to nahin

     neeNd to darRd ke bishtar par bhee aa saqti hai

     unki aahosh meiN sar ho ye zaroori to nahin

     seikh karta to hai masjid meiN khuda ko saJde

     uske saJde meiN asar ho ye zaroori to nahin

     sab ki nazroN meiN ho saaqi ye zaroori to hai magar

     sab pe saaqi ki nazar ho ye zaroori to nahin

    

5.   isme koi shiqwa na shikaayat na gila hai

     ye bhee koi khat hai ke mohabbat se bhara hai

     kya yaad dilaayenge muJhe mere sitamgar

     har naksh-e-sitam khud mere sineN meiN likha hai

     muJhko meri aawaaz sunaayee nahiN deti

     kaisa ye mere jiSm meiN ik shor macha hai

     chehre meiN hai aayeena ke aayeena meiN chehra

     maloom nahiN kaun kise dekh raha hai

6.   babul mora naihar chuto ri jaaye

Unforgetable Hits of Jagjit and Chitra

Unforgetable Hits of Jagjit and Chitra

Lyrics : Firaq Gorakhputi     (1,2,14)

             Qateel Shifai        (3)

             Sudarshan Fakir      (4)

             Kunwar Mahendra Singh(5)

             Rana Sahri           (6,11)

             Jigar Moradabadi     (7)

             aariq Badayani       (9)

             Sahir Hoshiarpuri    (10)

             Prem Warbartni       (12)

             Shahid Meer          (13)

Music  : Jagjit Singh

Voices : Jagjit Singh, Chitra Singh

1.   bahut pehle se un qadmon ki aahaT jaan letey hai

     tuJhe ae zindagi hum door se pehchaan letey haiN

     tabiyat apni ghabraati hai jab sunsaan raatoN meiN

     hum aise meiN teri yaadoN ki chaadar taaN lete haiN

     meri nazreN to aise qaafiroN ka jaan-o-imaaN hai

     nigaaheN milte hi jo jaam aur imaan lete haiN

     'firaq' aksar badal kar bhesh milta hai koi qaaTil

     kabhi hum jaan lete hiaN kabhi pehchaan lete haiN

2.   raat bhi neend bhi kahaani bhee

     haaye kya cheez hai jawaani bhee

     dil ke sholoN se paDti hai sehra

     zindagi aag bhee hai paani bhee

     khaRk kya kya muJhe nahiN kehti

     kuch sunooN maiN teri zubaani bhee

     paas rehna kisi ka raat ki raat

     mehmaani bhee mezbaani bhee

3.   yeh mojeza bhi mohabbat kabhi dikhaaye muJhe

     ke sang tuJhpe gire aur zakhm aaye muJhe

     wo meharbaaN hai tho ikraar kyooN nahiN kartha

     wo badgumaaN hai tho sau baar aazmaaye muJhe

     wo mera dost hai saare jahaaN ko hai maaloom

     daga kare wo kisi se tho sharm aaye muJhe

     maiN apni zaat meiN neelam ho raha hooN 'qateel'

     gham-e-hayaat se keh do khareed laaye muJhe

4.   kisi ranjish ko hawa do ke maiN zinda hooN abhi

     muJhko ehsaas dila do ke maiN zinda hooN abhi

     mere rukne se meri saaNse bhi ruk jaayengi

     faasile aur baDha do ke maiN zinda hooN abhi

     zehar peene ki to aadat thi zamaane waaloN

     ab koi aur dawa do ke maiN zinda hooN abhi

     chalti raahoN meiN yooNhi aaNkh lagi hai 'faakir'

     bheeD logoN ki hata do ke maiN zinda hooN abhi

5.   aaye haiN samjhaane log

     haiN kitne deewane log

     dair-o-haram meiN chain jo miltha

     kyoN jaathe maikhaane log

     jaan ke sab kuch, kuch bhi na jaane

     haiN kitne anjaane log

     waqt pe kaam nahiN aathe haiN

     ye jaane pehchaane log

     ab jab mujh ko hosh nahiN haiN

     aaye haiN samjhaane log

6.   kabhi guncha kabhi shola kabhi shabnam kee tarah

     log milte haiN badalte huye mausam kee tarah

     mere mehboob mere pyaar ko ilzaam na de

     hiJr meiN eed manaayee hai moharrum ki tarah

     maine khushboo kee tarah tuJhko kiya hai mehsoos

     dil ne chheDa hai teri yaad ko shabnam ki tarah

     kaise ham-dard ho tum kaisee masihaayee hai

     dil pe nashtar bhi lagaate ho to marham ki tarah

7.   dard badhkar fughan na ho jaaye

     ye zameeN aasmaaN na ho jaaye

     dil meiN dooba hua jo nashtar hai

     mere dil ki zubaaN na ho jaaye

     dil ko le leejiye jo lena hai

     fir ye sauda garaN na ho jaaye

     aah kije magar latif tabhi

     lab tak aakar dhuaaN na ho jaaye

8.   jawan hain raat sakiya sharaab la sharaab la

     zara si pyaas to bhuja sharaab la sharaab la 

     tere shabab par sada karam rahey bahaar ka

     tujhay lage meri dua sharaab la sharaab la 

     yahaN koi na jee saka na jee sakega hosh mein

     mitaa dey naam hosh ka sharaab la sharaab la

     tera baDa hi shukriya pilaaye ja pilaaye ja

     na zikr kar hisaab ka sharaab la sharaab la

9.   ek na ek shamma andhere mein jalaye rakhiye

     subaH hone ko hai maahOl sajaaye rakhiye

     jinke haathoN se hume zakm-e-neha pahunchi hai

     wo bhee kehte hain ke zakhmoN ko chupaaye rakhiye

     kaun jaane ke wo kis raah-guzar se guzre

     har guzar raah ko phooloN se sajaaye rakhiye

     daaman-e-yaar ki zeenat na bane har ansoo

     apni palkon ke liye kuch to bachaaye rakhiye

10.  tumne sooli pe latakte jise dekha hoga

     waqt aayega wahi shaksh maseeha hoga

     khwaab dekha thaa ke sehra meiN basera hoga

     kyaa khabar thi ke yahi khwaab to sachcha hoga

     maiN fizaaoN meiN bikhar jaaoonga khushboo bankar

     rang hoga na badan hoga na chehra hoga

11.  manzil na de charaag na de hauslaa to de

     tinke ka hi sahee tu magar aasraa to de

     maiNe ye kab kaha ke mere haq meiN ho jawaab

     lekin khamosh kyooN hai tu koi faislaa to de

     barsoN maiN tere naam pe khaata raha fareb

     mere khuda kahaN hai tu apna pata to de

     beshaq mere naseeb pe rakh apnaa ikhtiyaar

     lekin mere naseeb meiN kya hai bata to de

12.  kabhi to khul ke baras ab ke meherbaaN ki taraH

     mera wazood hai jalte huye makaN kee taraH

     main ik khwaab sahee aapki amaanat hooN

     muJhe sambhaaL ke rakhiyegaa jism-o-jaaN ki taraH

     kabhi to soch ke wo saKsh kis kadar tha buland

     jo bichh gaya tere kadmoN meiN aasmaaN ki taraH

     bula rahaa hai muJhe fir kisi badan ka basanth

     guzar na jaaye ye ruth bhi kahiN khizaaN ki taraH

13.  ae khuda ret ke sehra ko samandar kar de

     ya chhalakti aanKhoN ko bhi patthar kar de

     tuJhko dekha nahiN mehsoos kiya hai maine

     aa kisi din mere ehsaas ka paikar kar de

     aur kuch bhi muJhe darkaar nahiN hai lekin

     meri chaadar mere pairoN ke baraabar kar de

14.  ye to nahiN ke gam nahiN

     haaN meri aaNkh nam nahiN

     tum bhi to tum nahiN ho aaj

     hum bhi to aaj hum nahiN

     ab na khushi kee hai khushi

     gam ka bhi ab to gam nahiN

     maut agar che-maut hai

     maut se zeest kam nahiN

15.  tere khushboo meiN basay khat main jalata kaisay

     pyaar mein doobay huye khat main jalata kaisay

     teray haathoN ke likhay khat main jalata kaisay

     jinko duniya ki nigaahoN say chupayey rakha

     jinko ik umar kalayjay say lagayay rakha

     deen jinko jinhay imaan banaay rakha

     jinka har lafz mujhay yaad paani ki tarah

     yaad they mujko jo paigaam-e-zubaani ki tarah

     mujko jo pyaarey they anmol nishani ki tarah

     toone duniya ki nigaahoN say jo bach kar likhay

     saal-ha-saal mere naam barabar likhay

     kabhi din mein to kabhi raat ko uTh kar likhay

     teray khat aaj main Ganga mein baha aaya hooN

     aag behtay huye paani meiN laga aaya hooN

16.  hum hi mein thee na koi baat, yaad hi na tumko aa sake

     tumnay hameiN bhula diya hum na tumhe bhula sake

     tum hi na sun sake agar kissa-e-gham sunega kaun

     kis ki zubaan khulegi phir hum na agar suna sake

     shauk-e-visaal hain yahaN lab pe sawaal hai yahaN

     kis ki majaal hai yahaN hum se nazar mila sake

The Unforgettables

The Unforgettables

Lyrics : kafeel Aazer         (1)

             Firak Gorakhpuri     (2,5)

             Ameer Meenai         (3)

             Taariq Badayani      (4)

             Jigar Moradabadi     (6)

             Sudarshan Fakir      (7,8)

             Saeed Rahi           (9)             

             Kunwar Mahendra Singh(10)

Music  : Jagjit Singh

Voices : Jagjit Singh, Chitra Singh

1.   baat nikalegee to phir duur talak jaayegee

     log bewajaH udaasee kaa sabab poochhenge

     ye bhee poochhenge ke tum itnee pareshaaN kyooN ho

     oongliyaaN uTheNgee sookhe huye baaloN kee taraf

     ek nazar dekheNge guzre huye saaloN kee taraf

     chooDiyoN par bhee kaI taNz kiye jaayeNge

     kaaNpate haathoN pe bhee fikRe kase jaayeNge

     log zaalim haiN har ek baat kaa taanaa deNge

     baatoN baatoN meiN meraa zikR bhee le aayenge

     unakee baatoN kaa zaraa saa bhee asar mat lenaa

     waRnaa chehre ke taasur se samaJh jaayeNge

     chaahe kuchh bhI ho sawaalaat naa karnaa unse

     mere baare meiN koI baat na karnaa unse

     baat nikalegii to phir door talak jaayegee

2.   raat bhi neend bhi kahaani bhee

     haaye kya cheez hai jawaani bhee

     dil ke sholoN se paDti hai sehra

     zindagi aag bhee hai paani bhee

     khaRk kya kya muJhe nahiN kehti

     kuch sunooN maiN teri zubaani bhee

     paas rehna kisi ka raat ki raat

     mehmaani bhee mezbaani bhee

3.   sarakti jaaye haiN rukh se naqaab aahistaa-aahista

     nikalta aa raha hai aaftaab aahistaa-aahista

     jawaN hone lage jab wo to humse kar liya parda

     hayaa yakalaKht aaee aur shabaaB aahistaa-aahista

     sab-e-furkat ka jaaga hoon paristhoN ab to sone do

     kabhi fursat meiN kar lena hisaab aahistaa-aahista

     hamaare aur tumhaare pyaar meiN bas farq hai itna

     idhar to jaldi jaldi hai udhar aahistaa-aahista

     baDi bedardi se sar kaate 'ameer' aur maiN kahooN unse

     huzur aahistaa aahistaa janaab aahistaa-aahista

4.   ek na ek shamma andhere mein jalaye rakhiye

     subaH hone ko hai maahOl sajaaye rakhiye

     jinke haathoN se hume zakm-e-neha pahunchi hai

     wo bhee kehte hain ke zakhmoN ko chupaaye rakhiye

     kaun jaane ke wo kis raah-guzar se guzre

     har guzar raah ko phooloN se sajaaye rakhiye

     daaman-e-yaar ki zeenat na bane har ansoo

     apni palkon ke liye kuch to bachaaye rakhiye

5.   bahut pehle se un qadmon ki aahaT jaan letey hai

     tuJhe ae zindagi hum door se pehchaan letey haiN

     tabiyat apni ghabraati hai jab sunsaan raatoN meiN

     hum aise meiN teri yaadoN ki chaadar taaN lete haiN

     meri nazreN to aise qaafiroN ka jaan-o-imaaN hai

     nigaaheN milte hi jo jaam aur imaan lete haiN

     'firaq' aksar badal kar bhesh milta hai koi qaaTil

     kabhi hum jaan lete hiaN kabhi pehchaan lete haiN

6.   dard badhkar fughan na ho jaaye

     ye zameeN aasmaaN na ho jaaye

     dil meiN dooba hua jo nashtar hai

     mere dil ki zubaaN na ho jaaye

     dil ko le leejiye jo lena hai

     fir ye sauda garaN na ho jaaye

     aah kije magar latif tabhi

     lab tak aakar dhuaaN na ho jaaye

7.   gham badhe aate hai qaatil ki nigahon ki tarah

     tum chupa lo muJhe ae dosth gunaahoN ki tarah

     apni nazaroN meiN gunehgaar na hote kyooNkar

     dil hi dushman hai mukhaliF ke gawaahoN ki tarah

     har taraf zeest ki raahoN meiN kaDi dhoop hai dosth

     bas teri yaad ke saaye haiN panaahoN ki tarah

     jinke khaatir kabhi ilzaam uthaaye 'faakir'

     wo bhee pesh aaye haiN insaaF se shaahoN ki tarah

8.   kisi ranjish ko hawa do ke maiN zinda hooN abhi

     muJhko ehsaas dila do ke maiN zinda hooN abhi

     mere rukne se meri saaNse bhi ruk jaayengi

     faasile aur baDha do ke maiN zinda hooN abhi

     zehar peene ki to aadat thi zamaane waaloN

     ab koi aur dawa do ke maiN zinda hooN abhi

     chalti raahoN meiN yooNhi aaNkh lagi hai 'faakir'

     bheeD logoN ki hata do ke maiN zinda hooN abhi

9.   dost ban-banke mile muJhko mitaane waale

     maine dekhe haiN kaI rang badalane waale

     tumne chup rehkar sitam aur bhee Dhaayaa mujhpar

     tumse achchhe haiN mere haal pe haNsne waale

     maiN to ikhalAq ke hathoN hi bikA kartaa hooN

     aur hoNge tere baazAr meiN bikne waale

     akhree daur pe salaam-e-dil-e-mustar le lo

     phir naa lauTenge shab-e-hiJr pe ronewaale

10.  aaye haiN samjhaane log

     haiN kitne deewane log

     dair-o-haram meiN chain jo miltha

     kyoN jaathe maikhaane log

     jaan ke sab kuch, kuch bhi na jaane

     haiN kitne anjaane log

     waqt pe kaam nahiN aathe haiN

     ye jaane pehchaane log

     ab jab mujh ko hosh nahiN haiN

     aaye haiN samjhaane log