Sunday, February 7, 2010

Chiraag

Chiraag
Lyrics :
Music  : Jagjit Singh
Voices : Jagjit Singh, Chitra Singh


1.  taareef us khuda ki jis ne jahaan banaya
    kaisi zameen banaayi, kya aasamaan banaya

   mitti se bel boote kya khushnuma ugaaye
   pehna ke sabz khillat unko jawaan banaaya

   suraj se ham ne payi garmi bhi roshani bhi
   kya khoob chashma tu ne ae meharbaan banaya

   har cheez se hai us ki kaarigari tapakti
   ye kaarkhana tu ne kab raigaan banaya



2. Zara chehre se kamli ko hata do ya rasulallah
   Hamain bhi apna deewana bana do ya rasulallah
 
   Muhabbat Gair se meri chura do ya rasulallah
   Meri soyi hui qismat jga do ya rasulallah
 
   Bari qismat hamari hai ki ummat may tumhari hain
   Bharosa deen dunya may tumhara ya rasulallah
 
   Andhairi qabr may mujh ko akaila chor jayain ge
   Wahan ho fazl se tere ujala ya rasulallah
 
   Khuda mujh ko madine may jo pohanchaye to bahtar hai
   Ki roze par hi de do ga jaan tak ya rasulallah

3. ab toh mere khuda mujhe jalwa dikhaaiye 
   apne namaaziyon ka kaha maan jaaiye 

   kuch keh rahi hain aap se seene ki dhadakanen 
   mera nahi to dil ka kaha maan jaaiye 
   apne namaaziyon ka kaha maan jaaiye 

   main jaanta hoon tu bada rahamat-navaaz hai 
   sab ke dilon pe raham ka jaadu jagaaiye 
   apne namaaziyon ka kaha maan jaaiye 

   muddat se tishnagi hai tumhaare jamaal ki 
   noor-e-kamaal se zara parda uthaaiye 
   apne namaaziyon ka kaha maan jaaiye

4.   tujhe DhoonDtaa thaa maiN chaar-suu
     terii shaan jalle jalaal hooN
     tuu milaa qariib-e-khoj looN
     terii shaan jalle jalaal hooN
     terii yaad meiN hai kalii-kalii
     hai chaman chaman meiN hubal alii
     tuu basaa hai phuul meiN huu-ba-huu
     terii shaan jalle jalaal hooN
     tere huKm se jo hawaa chalii
     to chaTak ke bolii kalii-kalii
     hai karrim tuu rahiim tuu
     terii shaan jalle jalaal hooN
     teraa jalvaa dono.n jahaaN meiN hai
     teraa nuur donoN makaaN meiN hai
     yahaaN tuu hii wahaaN tuu hii tuu
     terii shaan jalle jalaal hooN


5.   charaaG dil ke jalaao ki iid ka din hai
     taraane jhuum ke gaao ki iid kaa din hai

     Gamo.n ko dil se bhulaao ki iid kaa din hai
     Khushii se bazm sajaao ki iid kaa din hai

     huzuur us kii karo ab salaamtii kii duaa
     sar-e-namaaz jhukaao ki iid kaa din hai

     sabhii muraad ho puuriihar ek savaalii kii
     duaa ko haath uThaao ki iid kaa din hai


6.   duniyaa se dil lagaakar duniyaa se kyaa milegaa
     yaad-e-Khudaa kiye jaa tujh ko Khudaa milegaa

     daulat ho yaa hukuumat taaqat ho yaa jawaanii
     har chiiz miTane vaalii har chiiz aanii-jaanii

     ye sab Guruur ik din miTTii meiN jaa milegaa
     aataa nahiN palaTakar guzraa huaa zamaanaa

     kya Khwaab kaa bharosaa kyaa maut kaa Thikaanaa
     ye zindagii gaNvaa kar kyaa faayadaa milegaa



7.   Sunte hain ke mil jaati hai
     har cheez dua se
    Ek roz tumhain maang ke
    dekhenge Khuda se

   Duniya bhi mili hai,
   gham-e-duniya bhi mila hai
   Vo kyon nahin milta
   jise maanga tha khuda se

   Sunte hain ke mil jaati hai
   har cheez dua se
   Ek roz tumhain maang ke
  dekhenge khuda se


8.   madiine ko jaayeN jii chaahataa hai
     muqaddar banaayeN jii chaahataa hai

     madiine ke aakaa do aalam ke maulaa
     tere paas aayeN jii chaahataa hai

     jahaaN dono aalam hai mahar-e-tamannaa
     wahaaN sar jhukaayeN jii chaahataa hai

     muhammad kii baateN muhammed kii siirat
     sune aur sunaayN jii chaahataa hai

No comments: